طريقة عمل الجلاش الحلو بانواعه .. أفضل 7 وصفات جلاش لذيذة في المطبخ

طريقة عمل الجلاش الحلو بانواعه .. أفضل 7 وصفات جلاش لذيذة في المطبخ

يُعتبر الجلاش الحلو واحدًا من أشهر الحلويات في العديد من الدول العربية، ويتميز بقوامه المقرمش وحشواته المتنوعة. يعود أصل هذه الحلوى إلى المطبخ التركي، لكن سرعان ما انتشرت عبر الثقافات المختلفة لتصبح جزءًا من التراث الحلواني العربي يُعد الجلاش الحلو خيارًا مثاليًا لتقديمه في المناسبات والاحتفالات. بفضل تنوعه وإمكانية حشوه بأنواع مختلفة، يمكن لكل شخص أن يجد فيه ما يناسب ذوقه.

يمكنك اعداد وصفات حلويات لذيذة وشهية من خلال هذا الرابط

طريقة عمل المكشكشة بالجلاش

 مقادير المكشكشة

• ٣ كوب حليب
• ٣ معالق كبيره سكر
•  ٢ معالق كبيره نشا
• ٢معالق كبيره كاستر

مقادير الشربات

• ١ كوب ماء
• ١كوب سكر
• نصف عصير ليمونه
• فى حله ننزل بالماء والسكر ونقلبهم على النار لمده ١٠ دقايق

طريقه تحضير المكشكشة

• فى حله على البارد ننزل بالحليب والسكر والنشا والكاستر ونقلبهم على البارد وبعدين نرفعه على النار نقلب لحد لما يتماسك في صينيه مقاس ٣٠ في ٣٠ ندهن زبده او سمنه 
• نفرد ورقه جلاش وندهن السمنه
• 4 ورقات جلاش ندهن بينهم سمنه
• ننزل ب الكاستر في نصف الصينيه ونوزعها في الصينيه كلها
• الزيادات اللي على الطرف بتاع الجلاش هنسبها زي ما هي عشان نقفل على الكاستر الي عملناه
• هنجيب ورقه جلاش ونعملها زي المروحه الورق بتاعت زمان ونرصه على وش الصينيه وهكذا لحد لم نقفل وش الصينيه بمراوح الجلاش تدخل فرن ٢٥٠ درجة حرارة  لمده نصف ساعة على الشبكه اللي في النصف وبعدين نشغل الشوايه على خفيف تاخد لون ذهبى
• الصينيه تخرج من الفرن ننزل عليها بالشربات والشربات يكون بارد ونغطيها ونسبها وبعدين نقطع وتقدم وبالف هنا.

أسهل طريقة عمل كيكة الجلاش

مقادير كيكة الجلاش

• لفه جلاش
• كوب حليب
• ربع كوب زيت
• نصف كوب سكر
• رشه فانيليا
• نصف كيس بيكنج بودر
• بيضه

مكونات شربات كيكة الجلاش

• نصف كوب ماء
• نصف كوب سكر
• نصف ليمونه

طريقة تحضير كيكة الجلاش

• نقطع الجلاش اربع أجزاء وتكرمش وندهن الصينيه بسمنه ونكرمش الجلاش حتى نتهي من لفه الجلاش كلها
• ثم نضع بالخلاط جميع المقادير البيضه والحليب والفانيليا والبيكنج بودر والسكر والزيت ويخلط جيدا بالمضرب ونضعه على الجلاش
• نضع السكر مع الماء والليمون يغلي على النار لمده ٥ دقايق فقط ونتركه ليبرد بعد اضافه رشه الفانيليا وقطعه سمنه بلدي او زبده ثم ندخل الجلاش الفرن على درجه حراره ٢٠٠ لمده ٢٥ دقيقه ثم نشغل الشوايه تاخد لون ونخرجها من الفرن نضع الشربات البارد عليها ونتركها تبرد.

طريقة عمل جلاش بالكاستر بالصور

مقادير جلاش بالكاستر

• لفه جلاش
• ٢ معلقه كاستر
• ٢ معلقه سكر
• كوب حليب
• ذبده

طريقه تحضير جلاش بالكاستر

نحط الكاستر والسكر مع الحليب ونقلبهم كويس لحد ما يدوب خالص نحطهم على نار هاديه لحد ما القوام يتقل ونشلهم من على النار نجهز صنيه وندهنها ذبده ونفرد نصف لفه الجلاش وندهن زبده ونحط الكاستر ونفرده كويس وبعدين نحط بقيت الجلاش وندهن زبده على وش الصينه كلها وحطها في الفرن على درجه حراره ١٨٠ لحد ما تاخد لون دهبي ونسقيه شربات بارد وبالف هنا 

طريقه عمل اصابع الجلاش بالجبنه والمكسرات

مقادير الجلاش بالجبنه والمكسرات

• نصف كليو جلاش
• كوب الا ربع سمنه

مقادير الحشو

• مكسرات سوداني جوزهند وزبيب
• معلقتين سيرب تقيل او عسل نحل
• جبنه بيضاء ملح خفيف

مقادير الشربات

• ٢ كوب ماء
• ٢كوب سكر
• عصره نصف ليمونه

طريقه تحضير الشربات

اولا هنضع المقادير الشربات على النار ولما يغلي نهدي النار عليه ويترك يغلي حوالي نصف ساعة أو تلث لما قوامه يتقل ويبقى متوسط القوام

طريقة تحضير الجلاش بالجبنه والمكسرات

• هنضع معلقتين السيرب او العسل على المكسرات يقلبوا جيدا لتتماسك المكسرات
• نفرد ورقتين ونضع على الطرف جزء من المكسرات على أطراف الجلاش ثم نلفه اصابع بالطول ويرص على صاج بدون دهان لما تخلصي الكميه ده بالنسبه للمكسرات
• هناخد ورقتين من الجلاش ونفرده ولما نفرده هنضع جزء من الجبنه على أطراف الجلاش ويلف اصابع ويرص بجانب الجلاش ال بالمكسرات ولما تخلص الكميه هنسقي الجلاش بكوب الا ربع سمنه سايحه ويسخن فرن على درجه حراره ١٨٠ ولما يحمر نخرجه ويسقي بالشربات بارد الجلاش سخن

طريقة عمل الجلاش الصوابع زي المحلات 

المقادير 

• لفة جلاش
• نصف كوب سمنه

الحشو

• سوداني مفروم

مقادير عمل الشربات

• كوب ونصف سكر
• كوب ماء
• عصير نصف ليمونه

طريقة تحضير الجلاش الصوابع

نأخذ ورقتين من الجلاش وندهنهم بالسمنه وتحشى بالسوداني المفروم وتلف على عصى رفيعه او عيدان الشيش طاووق وتقطع اصابع وتوضع بصنيه مدهونه بالسمنه ونكمل الكمية بنفس الطريقه وتوضع بالفرن على درجة حرارة 200 حتى تأخذ اللون الذهبي وبعد خروجها من الفرن تسقى وهي ساخنه بالشربات البارد

أساور الست .. احلي الحلويات الشرقية

المقادير

• لفة جلاش
• كوب سمنه بلدي سايحه
• نصف كوب فستق مفروم
• نوتيلا

مقادير الشربات

• کوبین سکر
• كوب مایه
• معلقة صغيرة عصير ليمون

طريقة تحضير أساور الست

• اول حاجه نعمل الشربات بوضع مكوناته على النار لمده 7 دقايق ونحط عصير الليمون وتغلي غلوتين ونطفي ونسيبه يبرد
•  نقسم الجلاش نصفين بالسكينة وناخد طبقة من الجلاش وندهنها بالسمنة ونطبقها على شكل مربع وندهنها مره تانيه
• وبعدين نلفها علي مسن أو خشبة رفيعة ذي القلم الرصاص وبعدين نخرجها ونلفها دایرة علي بعضها.
• نرص الأساور جنب بعضها في صينية فرن مدهونه زيت أو سمنة وبعدين ندهن الأساور بالسمنة وندخلها الفرن علي الرف الأوسط على درجة حرارة 180 لحد ما تاخد لون ذهبي ونخرجها ونسقيها بالسيرب البارد.
• نحط في منتصف الأساور مربی حليب أو كراميل أو نوتيلا أو مكسرات مفرومة حسب الرغبة.

طريقة حشو الجلاش الحلو بالسميد

المقادير 

• نصف كليو جلاش
• ٢ كوب سميد
• ٢ معلقه قرفه
• ذره ملح
• نصف كوب سمنه مذابه
• ربع كوب جوز الهند
• ٢ معلقه زبيب
• ٤ معلاق كبيره سكر بودره
• كوب لبن حليب
• ربع كوب سوداني مجروش

مقادير الشربات

• ٢ كوب سكر
• كوب ميه
• عصير نصف ليمونه
• رشه فانيليا

طريقه عمل الجلاش الحلو بالسميد

• مقلايه على النار فيها معلقتين سمنه كبار.
• نحمص السميد ياخد لون دهبي فاتح، نضيف عليه جوز الهند والسكر والسوادني والملح والزبيب.
• نقلب جيدا حتى يكون لون الحشوه بني.
• اضيف اللبن واقلب حتى يشرب السميد اللبن وتتكون عجينه.
• نفرد ورقتين من الجلاش وندهن سمنه.
• توضع الحشوه بشكل طولي.
• نلف الجلاش رول ويقطع اصابع.
• في صنينه مدهونه سمنه، نرص فيها اصابع الجلاش ندهن اصابع الجلاش بالسمنه ندخلها فرن متسخن مسبقا على درجه حراره ١٨٠ الرف الا في النصف اول ما تاخد لون دهبي من تحت نشغل عليها الشوايه تاخد لون ونسقيها بالشربات بارد وبالف هنا.